AZƏRBAYCAN RESPUBLİKASI DÖVLƏT GÖMRÜK KOMİTƏSİNİN AKADEMİYASINDA VAKANT VƏZİFƏLƏRLƏ BAĞLI ELAN

AKADEMİK HEYƏT ÜZRƏ   Hüquq və humanitar elmlər kafedrası   Müəllim / baş müəllim / dosent vəzifəsi   Namizədlərə dair tələblər:   Xüsusi/ümumi hüquq sahəsində ən azı hüquq üzrə fəlsəfə doktoru dərəcəsinə və ya xaricdə magistr dərəcəsinə sahib olmaq; Müvafiq istiqamət üzrə bir neçə fənni tədris etmə bacarığı; Müvafiq sahə üzrə elmi tədqiqat aparmaq bacarığı və elmi nəticələri; Fənlərin tədrisində müasir təlim texnologiyalarından istifadə bacarıqları; Təhsillə bağlı layihələrin və hesabatların hazırlanması üzrə təcrübə; MS Office proqramlarından istifadə bacarıqları. Qeyd: müvafiq sahə üzrə beynəlxalq sertifikatları və xarici dil biliyi olan namizədlərə üstünlük veriləcəkdir.     Gömrük işi və idarəetmə kafedrası   Müəllim / baş müəllim / dosent vəzifəsi   Namizədlərə dair tələblər:   İqtisadiyyat, beynəlxalq ticarət, logistika, sahibkarlıq və biznes, menecment, gömrük işi və s. istiqamətlərdən biri və ya bir neçəsi üzrə ixtisaslaşma; Müvafiq sahə üzrə bir neçə fənni Azərbaycan və ingilis dillərində tədris etmə bacarığı; Makroiqtisadi təhlil və elmi tədqiqat aparmaq bacarıqları; Müvafiq fənlərin tədrisi üzrə pedaqoji təcrübə və müasir təlim texnologiyalarından istifadə; Təhsillə bağlı beynəlxalq layihələrin icrası üzrə təcrübə; MS Office proqramlarından istifadə bacarıqları.  Qeyd: xarici nüfuzlu universitetlərdən məzun olanlara, beynəlxalq sertifikatları və elmi dərəcəsi olan namizədlərə üstünlük veriləcəkdir.     İnformasiya texnologiyaları və texniki elmlər kafedrası   Müəllim / baş müəllim vəzifəsi   Namizədlərə dair tələblər:   İnformasiya təhlükəsizliyi üzrə: İnformasiya təhlükəsizliyi (Kibertəhlükəsizlik) üzrə praktik bacarıqlar; Tədris proqramında İnformasiya təhlükəsizliyi ilə  bağlı bir neçə fənni Azərbaycan və ingilis dillərində tədris etmə bacarığı; Şəbəkə, Cloud , Verilənlər bazası və onun təhlükəsizliyi ilə bağlı biliklər; Kriptologiya və məlumatların məxfiliyinin qorunması üzrə biliklər; Nüfuzetmə testi və zəifliklərin aşkarlanması üzrə təcrübə; Kibertəhlükəsizlik üzrə beynəlxalq standartlar (ISO 27001, NIST) üzrə uyğunluq bacarıqları; SOC/SIEM sistemləri üzrə təcrübə və insidentlərin idarə olunması bacarığı; Sosial mühəndislik hücumlarına qarşı tədbirlər öyrətmə bacarığı.   Qeyd: Python və ya digər skript dili bacarıqları olan namizədlərə üstünlük veriləcəkdir.     İnformasiya texnologiyaları üzrə:   Proqramlaşdırma (OOP) dil bilikləri (C/C++, Java , C#, Python və s.); Web proqramlaşdırma üzrə bacarıqlar (frontend və backend); Verilənlər bazası üzrə biliklər (Oracle SQL və s.); Dərsləri praktiki (layihə əsaslı) keçmə bacarığı; Yeni texnologiyalara uyğunlaşma və innovativ metodların tədris proqramına daxil edilməsi bacarığı; Sistem administrasiyası və infrastrukturun idarə olunması üzrə biliklər (Linux/Windows idarəetmə sistemləri, virtualizasiya, bulud həlləri); Proqram təminatı testləri və keyfiyyətin təminatı üzrə biliklər. Tədris proqramında İnformasiya texnologiyaları ilə bağlı bir neçə fənni Azərbaycan və ingilis dillərində tədris etmə bacarığı.       TƏDRİS-KÖMƏKÇİ HEYƏT ÜZRƏ   Monitorinq və qiymətləndirmə şöbəsi:          Mütəxəssis vəzifəsi   Namizədə dair tələblər:   Ali təhsil sahəsində innovativ qiymətləndirmə strategiyalarının tətbiqi üzrə bacarıqlar; Müxtəlif istiqamətlərdə monitorinqlərin və sorğuların keçirilməsi, anket məlumatlarının analiz edilməsi və analitik hesabatların hazırlanması üzrə bacarıqlar; Təhsildə keyfiyyətin təminatı üzrə iş təcrübəsi və yaxud müvafiq sahə üzrə bacarıqlar; MS Office və MS Teams proqramlarından, tədrisin elektron idarəetmə sistemindən istifadə bacarıqları.     Tədris-metodiki işin təşkili şöbəsi:   Mütəxəssis vəzifəsi   Namizədə dair tələblər:   Tədrisin təşkili və idarəolunması üzrə bacarıqlar; Ali təhsil sahəsində innovativ idarəetmə bacarıqları; Tədris-metodiki materialların və  tədris planlarının hazırlanması üzrə təcrübə; Yüksək səviyyədə kargüzarlıq (rəsmi sənədlər tərtib etmə, hesabat və təqdimatlar hazırlama və s.) bacarıqları; Xarici dil bilikləri; Tədrisin elektron idarə edilməsi ilə bağlı bacarıqlar; MS Office və MS Teams proqramlarından istifadə bacarıqları; Tələbələrlə iş üzrə təcrübə.      Katiblik:   Mütəxəssis (beynəlxalq layihələr üzrə) vəzifəsi   Namizədə dair tələblər   Xarici ali təhsil müəssisələri və təşkilatlarla əlaqələrin yaradılması və əməkdaşlığın qurulması üzrə təcrübə; Beynəlxalq təhsil layihələrinin hazırlanması, icrası və idarə edilməsi ilə bağlı bacarıqlar; Layihələrin icrası üzrə müxtəlif hesabatların, raportlarların, layihələrin maliyyə hesabatlarının hazırlanması üzrə təcrübə; Akademik sahədə əməkdaşlıq müqavilələri əsasında mübadilə, eləcə də ikili diplom və dərəcə proqramlarının yaradılması üzrə təcrübə; Xarici dildə (ingilis dili) mükəmməl işgüzar yazışma və kommunikasiya bacarıqları; MS Office proqramlarından istifadə bacarıqları.     Təqdim olunan vakansiyalar üzrə aşağıdakı göstəricilərə malik olan namizədlərə üstünlük veriləcəkdir:   -       xaricdə təhsil və iş təcrübəsinə -       xarici dil (akademik səviyyədə) bacarıqlarına -       analitik və innovativ düşüncəyə -       təşəbbüskarlıq -       təşkilatçılıq və problemi həll etmə bacarıqlarına -       komanda ilə işləmə və yumşaq bacarıqlara     Namizədlərin öz CV-lərini 5 dekabr 2024-cü il tarixinədək info@ascca.edu.az elektron ünvanına göndərmələri xahiş olunur. Müvafiq vakant vəzifələrə uyğun namizədlər müsahibə mərhələsinə dəvət olunacaqlar.

Dövlət Gömrük Komitəsinin Akademiyasına qəbul olunmuş abituriyentlərin nəzərinə!

Azərbaycan Respublikası Dövlət Gömrük Komitəsinin Akademiyasına qəbul olunmuş abituriyentlərin qeydiyyatı onlayn qaydada həyata keçiriləcəkdir. Tələbə adını qazanmış şəxslər 2024-cü il 28 avqust saat 11:00-dan 6 sentyabr saat 18:00-dək portal.edu.az platformasında qeydiyyatdan keçməli və yaradılmış kabinetə daxil olduqdan sonra təqdim edilən xidmətlər sırasında “Ali və orta ixtisas təhsili müəssisələrinə təhsilalan qeydiyyatı” xidmətini seçməlidirlər. Abituriyentlər qeydiyyat prosesi ilə bağlı məsələləri portal vasitəsilə dəqiqləşdirə bilərlər. Qeydiyyat zamanı aşağıdakı sənədlərin elektron surətləri platformaya yüklənməlidir: İlkin hərbi qeydiyyata alınma haqqında vəsiqə və ya hərbi bilet (oğlanlar üçün); Təhsil haqqının ödəniş qəbzi (yalnız ödənişli əsaslarla qəbul olanlar üçün). Müəyyən olunmuş müddətdə portal.edu.az platformasında qeydiyyatdan keçməmək abituriyentin müvafiq ixtisasa yerləşdirilmədən imtina etməsi kimi qiymətləndiriləcək və DİM tərəfindən onun qəbul haqqında əmri ali məktəbə göndərilməyəcəkdir! Qeydiyyatdan sonra abituriyentlər Akademiyaya dəvət olunduqları vaxt aşağıdakı sənədləri təqdim etməlidirlər: Şəxsiyyət vəsiqəsinin əsli və surəti; Tam orta təhsil haqqında sənəd (attestat); 3x4 ölçüdə 4 ədəd fotoşəkil (ağ fonda); İlkin hərbi qeydiyyata alınma haqqında vəsiqənin və ya hərbi biletin əsli və surəti (oğlanlar üçün); Təhsil haqqının ödəniş qəbzi (yalnız ödənişli əsaslarla qəbul olanlar üçün); Sağlamlıq haqqında arayış (forma 86); Tərcümeyi hal (Akademiyada təqdim olunan blankda doldurulacaq). Qeyd: Təhsil haqqı ödənişindən azad olunan xüsusi statuslu (məcburi köçkün, şəhid ailəsinin üzvü və s.) abituriyentlər göstərilən sənədlərdən başqa, statusu ilə bağlı əlavə sənədlərin notarial qaydada təsdiq olunmuş surətlərini də həm 𝐩𝐥𝐚𝐭𝐟𝐨𝐫𝐦𝐚𝐲𝐚 (𝐩𝐨𝐫𝐭𝐚𝐥.𝐞𝐝𝐮.𝐚𝐳) yükləməli, həm də Akademiyaya təqdim etməlidirlər. Əlaqə üçün: E-poçt: tedris@ascca.edu.az Telefon: (012) 404-12-00 (dax. 3306)

DGKA-da təkrar ali təhsil almaq üçün sənəd qəbulunun vaxtı uzadıldı

Dövlət Gömrük Komitəsinin Akademiyasında 2024/2025-ci tədris ilində təkrar ali təhsil almaq üçün sənəd qəbulunun vaxtı avqustun 30-dək uzadılıb. Dövlət Gömrük Komitəsinin Akademiyası 2024/2025-ci tədris ilində təkrar ali təhsil almaq istəyən şəxslər üçün aşağıdakı ixtisaslar üzrə sənəd qəbulu elan edir: Sıra №-si İxtisasın (proqramın) şifri İxtisasın (proqramın) adı 1. 050206 Hüquqşünaslıq (yalnız gömrük əməkdaşları üçün) 2. 050401 Beynəlxalq ticarət və logistika Akademiyada təkrar ali təhsil yalnız ödənişli əsaslarla qiyabi formada həyata keçirilir; Təkrar ali təhsil üçün müraciət etmiş şəxslərin müvafiq ixtisaslara qəbulu Akademiya tərəfindən müəyyən edilmiş qaydada müsabiqə yolu ilə aparılır;  Müsabiqədən uğurla keçənlər müqavilə yolu ilə müvafiq təkrar ali təhsil ixtisası üzrə tələbələr sırasına qəbul edilirlər. Sənəd qəbulu 2024-cü il iyun ayının 10-dan avqust ayının 30-dək aparılacaqdır. Sənədlərin qəbulu https://portal.edu.az/ portalı vasitəsilə həyata keçirilir. Təkrar ali təhsil almaq üçün müraciət edəcək şəxslər öncə portal.edu.az səhifəsində qeydiyyatdan keçməlidirlər. Qeydiyyatla bağlı əlavə məlumatı buradan ala bilərsiniz.  İlkin mərhələdə portala aşağıdakı sənədlər yüklənilməlidir: Ali təhsil haqqında sənədin (diplomun) notarial qaydada təsdiqlənmiş surəti (diploma əlavə ilə birlikdə); 3×4 sm ölçüdə fotoşəkil; İş vəsiqəsinin surəti (gömrük əməkdaşları üçün) ·         İş yerindən xasiyyətnamə (gömrük əməkdaşları üçün). Qeyd: Xarici ali təhsil müəssisələrinin məzunları aldıqları ixtisasların Azərbaycan Respublikası ərazisində tanınması və ekvivalentliyi barədə Təhsil Nazirliyi tərəfindən verilmiş Şəhadətnamə təqdim etməlidirlər.   Əlaqə məlumatları: Telefon: (994 12) 404 12 00 (daxili nömrə: 3306; 3338)   E-poçt: elave.tehsil@ascca.edu.az

DGKA-nın məzunlarının xidmətə qəbulu ilə əlaqədar müsabiqə keçiriləcək

Azərbaycan Respublikası Dövlət Gömrük Komitəsinin Akademiyasının məzunlarının Azərbaycan Respublikası Dövlət Gömrük Komitəsinin ərazi gömrük idarələrində mövcud olan vakant inspektor vəzifələri üzrə xidmətə qəbul ilə əlaqədar müsabiqə elan edilir. Gömrük orqanlarına xidmətə qəbul olmaq üçün keçiriləcək müsabiqə iki mərhələdən-yazılı test imtahanı və söhbət (müsahibə) mərhələlərindən ibarətdir. Müsabiqənin yazılı test imtahanı mərhələsi üçün sənədlərin qəbulu 20 avqust 2024-cü il saat 10:00-dan 10 sentyabr 2024-cü il saat 18:00-dək aparılacaq. Namizədlər bu müddət ərzində Komitənin rəsmi internet saytına daxil olaraq “Komitə/Xidmətə qəbul/Müsabiqənin test imtahanı/Test imtahanına qeydiyyatla bağlı müraciət” bölməsinə daxil olmaqla müvafiq məlumat xanalarını doldurmalıdırlar. Test imtahanının keçiriləcəyi yer və söhbət mərhələsi haqqında əlavə məlumat veriləcək. Ətraflı aşağıdakı linkdən məlumat ala bilərsiniz  (https://customs.gov.az/az/komite/xidmete-qebul)

Gömrük Akademiyasında "Açıq qapı" günü keçiriləcək

Dövlət Gömrük Komitəsinin Akademiyasında (DGKA) 1 avqust 2024-cü il tarixində saat 11:00-da "Açıq qapı" günü keçiriləcəkdir. "Açıq qapı" günü 2024/2025-ci tədris ili üçün bakalavriat səviyyəsi üzrə qəbul aparılan ixtisaslarla bağlı məlumat almaq və Akademiya ilə tanış olmaq məqsədilə təşkil olunur. Bütün abituriyentləri və valideynləri "Açıq qapı" günündə iştirak etməyə dəvət edirik. Abituriyentlərin iştirak üçün aşağıdakı link vasitəsilə qeydiyyatdan keçmələri xahiş olunur. Qeydiyyat linki: https://forms.office.com/Pages/ResponsePage.aspx... Əlaqə məlumatı: E-poçt: info@ascca.edu.az Tel: (012) 404 12 00 (daxili: 3306)

DGKA-nın professor-müəllim heyəti və tələbələri üçün UNEC-in elektron kitabxanasından istifadə imkanı təqdim edilib

Dövlət Gömrük Komitəsinin Akademiyası ilə Azərbaycan Dövlət İqtisad Universitetinin kitabxanalarının birgə əməkdaşlığı çərçivəsində Akademiyanın professor-müəllim heyəti və tələbələri üçün UNEC-in elektron kitabxanasından (https://library.unec.edu.az/) istifadə imkanı təqdim edilib. Elektron resurslardan istifadə üçün Akademiyanın kitabxanasına yaxınlaşmağınız xahiş olunur. Əlaqə məlumatları: E-poçt: Library@ascca.edu.az Instagram: dgka_kitabxana

Dövlət Gömrük Komitəsinin Akademiyası təkrar ali təhsil almaq istəyən şəxslər üçün bakalavriat səviyyəsi üzrə sənəd qəbulu elan edir!

Dövlət Gömrük Komitəsinin Akademiyası 2024/2025-ci tədris ilində təkrar ali təhsil almaq istəyən şəxslər üçün aşağıdakı ixtisaslar üzrə sənəd qəbulu elan edir: Sıra №-si İxtisasın (proqramın) şifri İxtisasın (proqramın) adı 1. 050206 Hüquqşünaslıq (yalnız gömrük əməkdaşları üçün) 2. 050401 Beynəlxalq ticarət və logistika Akademiyada təkrar ali təhsil yalnız ödənişli əsaslarla qiyabi formada həyata keçirilir; Təkrar ali təhsil üçün müraciət etmiş şəxslərin müvafiq ixtisaslara qəbulu Akademiya tərəfindən müəyyən edilmiş qaydada müsabiqə yolu ilə aparılır;  Müsabiqədən uğurla keçənlər müqavilə yolu ilə müvafiq təkrar ali təhsil ixtisası üzrə tələbələr sırasına qəbul edilirlər. Sənəd qəbulu 2024-cü il iyun ayının 10-dan avqust ayının 25-dək aparılacaqdır. Sənədlərin qəbulu https://portal.edu.az/ portalı vasitəsilə həyata keçirilir. Təkrar ali təhsil almaq üçün müraciət edəcək şəxslər öncə portal.edu.az səhifəsində qeydiyyatdan keçməlidirlər. Qeydiyyatla bağlı əlavə məlumatı buradan ala bilərsiniz.  İlkin mərhələdə portala aşağıdakı sənədlər yüklənilməlidir: Ali təhsil haqqında sənədin (diplomun) notarial qaydada təsdiqlənmiş surəti (diploma əlavə ilə birlikdə); 3×4 sm ölçüdə fotoşəkil; İş vəsiqəsinin surəti (gömrük əməkdaşları üçün) ·         İş yerindən xasiyyətnamə (gömrük əməkdaşları üçün). Qeyd: Xarici ali təhsil müəssisələrinin məzunları aldıqları ixtisasların Azərbaycan Respublikası ərazisində tanınması və ekvivalentliyi barədə Təhsil Nazirliyi tərəfindən verilmiş Şəhadətnamə təqdim etməlidirlər.   Əlaqə məlumatları: Telefon: (994 12) 404 12 00 (daxili nömrə: 3306; 3338)   E-poçt: elave.tehsil@ascca.edu.az

DGKA-da “ScienceDirect” və “Scopus” məlumat bazalarına çıxış təmin olunub

AKADEMİYANIN PROFESOR-MÜƏLLİM HEYƏTİNİN VƏ TƏLƏBƏLƏRİNİN NƏZƏRİNƏ!     Dövlət Gömrük Komitəsinin Akademiyasında “Elsevier” şirkətinin “ScienceDirect” məlumat bazasına və dünyanın ən böyük elmmetrik bazalarından olan “Scopus”a çıxış imkanı təmin edilib. “Scopus” ən böyük elmmetrik baza olmaqla yanaşı, həm də beynəlxalq reytinqlər üzrə universitetlərin elmi-tədqiqat göstəricilərinin hesablanması üçün istifadə edilən platformadır.   Scopus bazasından aşağıda qeyd edilən məlumatları əldə etmək olar: Müəllif profilləri, elmi əsərlərin sayı, istinad, özünəistinad, h-index, mənsub olduğu ali təhsil müəssisəsi və metrik göstəricilər İndekslənən elmi nəşrlər, nəşrlərin elmi istiqamətlər üzrə bölgüsü Ədəbiyyat siyahısını formalaşdırmaq üçün tədqiqat apardıqları elmi istiqamət üzrə yüksək istinadlı elmi əsərlər və alimlər Dünya alimləri ilə əlaqə yaratmaq imkanı Ali təhsil müəssisələrinin həmin baza üzrə verilənlərini təhlil etmə imkanı   ScienceDirect “Elsevier” nəşriyyatının elmi ədəbiyyatını özündə ehtiva edən akademik verilənlər bazasıdır. ScienceDirect 43.000-dən çox elektron kitaba, 19 milyondan çox tam mətnli məqaləyə giriş imkanı verir. O, eyni zamanda orta hesabla dünyanın ən çox istinad edilən online jurnal platformasıdır.    “ScienceDirect” akademik verilənlər bazasının əhatə etdiyi elmlər təsnifatı aşağıdakı kimidir: Fizika və mühəndislik Təbiət elmləri Tibb Humanitar və sosial elmlər   DGKA daxilində “ScienceDirect” Akademiyanın internet şəbəkəsinə bağlı olan bütün cihazlardan istifadəçi adı və şifrə olmadan birbaşa istifadəyə açıqdır.   Linklər: https://www.scopus.com/search/form.uri?display=basic#basic https://www.sciencedirect.com/   Əlavə məlumat üçün Library@ascca.edu.az e-poçt ünvanına müraciət edə bilərsiniz.

bp Azərbaycan beynəlxalq konfransa dəstək verəcək

16-17 noyabr 2023-cü il tarixlərində “Beynəlxalq Nəqliyyat və Logistika Dəhlizi: Zəngilandan inkişaf impulsları” adlı beynəlxalq konfrans keçiriləcəkdir. 17 noyabr tarixində Bakıda keçiriləcək konfransın 2-ci günündə əsasən gömrük fəaliyyəti və logistika siyasəti ilə əlaqədar panellər təşkil olunacaqdır. Konfransda Dünya Bankı, Türk Dövlətləri Təşkilatı, TRACECA, GUAM kimi mötəbər beynəlxalq təşkilatların rəhbər şəxslərinin, eləcə də Türkiyə, Qazaxıstan, Qırğızıstan, Özbəkistan, Koreya, Çin, İndoneziya, Litva, Şimali Makedonya, İsveçrə, Rusiya, Ukrayna və başqa ölkələrdən nəqliyyat – logistika və gömrük inzibatçıları iştirak edəcəklər. Həyata keçirdiyi proqramlarla Azərbaycanda elmin inkişafına daim dəstək olan bp Azərbaycan şirkəti, bu beynəlxalq elmi konfransa da öz töhvəsini verəcək. Belə ki, konfransın “Beynəlxalq Nəqliyyat Dəhlizləri üçün İnnovativ Gömrük” və “Logistika Siyasətinin dizaynı və həyata keçirilməsi” mövzuları üzrə iki panel sessiyası Dövlət Gömrük Komitəsinin Akademiyası ilə əməkdaşlıq çərçivəsində bp-nin dəstəyi ilə təşkil olunacaqdır. Konfrans çərçivəsində yerli və xarici alim və tədqiqatçılar üçün Zəngilan-Ağalı turu təşkil olunacaqdır.

Gömrük işi sahəsində biliklər əldə etmək istəyən şəxslərin nəzərinə

Dövlət Gömrük Komitəsinin Akademiyası tərəfindən xarici iqtisadi fəaliyyət iştirakçıları, gömrük təmsilçiləri, gömrük rəsmiləşdirilməsi üzrə mütəxəssislər və gömrük işinin digər sahələri üzrə nəzəri və praktiki biliklər əldə etmək istəyən maraqlı şəxslər üçün təlimlərə start verilir.   Təlimlər müasir tədris metodları və interaktiv üsullardan istifadə edilməklə təşkil ediləcək.   Təlimlərin məzmunu aşağıdakı istiqamətləri əhatə edir:   ·Ümumi gömrük qanunvericiliyi;   ·Gömrük işinin təşkili, iqtisadi və hüquqi əsasları;   ·Gömrük nəzarəti və gömrük rəsmiləşdirilməsi mexanizmləri;   ·Gümrük orqanlarının hüquq mühafizə fəaliyyəti;   ·Gömrük təmsilçiliyi;   ·Gömrük işində informasiya sistemlərinin və informasiya texnologiyalarının tətbiqi;   ·Gömrük hüquqpozmaları və onlara qarşı mübarizə tədbirləri;   ·Gömrük tarif tənzimlənməsi;   ·Fiziki şəxslər tərəfindən malların və nəqliyyat vasitələrinin gömrük sərhədindən keçirilməsi qaydaları;   ·Xarici ticarətin gömrük statistikası;   ·Valyuta qanunvericiliyi;   ·Gömrük xidmətinin beynəlxalq əməkdaşlıq çərçivəsi;   ·Azərbaycan Respublikasının tərəfdaş çıxdığı gömrük işi ilə əlaqədar beynəlxalq müqavilələr, konvensiyalar və s.   Təlimlərin müddəti istiqamətdən asılı olaraq 2 və 4 ay nəzərdə tutulmuşdur.   Təlimlər metronun “Elmlər Akademiyası” stansiyasına yaxın ünvanda axşam saatlarında keçiriləcəkdir.   Müvafiq müraciət formasını aşağıdakı linkdən doldurmaq olar:   https://forms.office.com/r/jh91q1f6Bz?origin=lprLink   Ətraflı məlumat əldə etmək üçün aşağıdakı əlaqə vasitələrindən istifadə edə bilərsiniz:   E-poçt: training@ascca.edu.az   Tel: (012) 404 12 00 (daxili 3)   (050) 290 09 85  

2023/2024-cü tədris ili üzrə ali təhsil müəssisələrinə qəbul olunmaq üçün imtahan vermiş abituriyentlərin ixtisas seçimi başlayır

2023/2024-cü tədris ilində bakalavriat səviyyəsi üzrə təhsil müəssisələrinə qəbul olunmaq üçün imtahan vermiş abituriyentlərin ixtisas seçimi avqustun 16-dan 28-dək internet vasitəsilə aparılacaq.   Dövlət Gömrük Komitəsinin Akademiyası ixtisas seçimində iştirak edən bütün abituriyentlərə uğurlar arzulayır!

Dövlət Gömrük Komitəsinin Akademiyası 2023/2024-cü tədris ili üzrə akademik əməkdaşlığa dəvət edir

Dövlət Gömrük Komitəsinin Akademiyası bakalavriat səviyyəsində İqtisadiyyat, Beynəlxalq ticarət və logistika, Hüquqşünaslıq, İnformasiya təhlükəsizliyi, İnformasiya texnologiyaları ixtisasları üzrə beynəlxalq standartlar əsasında müasir tələblərə cavab verən peşəkar mütəxəssislər hazırlayır. Akademiya bakalavriat və magistratura səviyyələrində mütəxəssis hazırlığı aparılan ixisaslar üzrə ölkədə ən yüksək keçid balına malik olan ali təhsil müəssisələrindən biridir. Akademiyanın tələbələri beynəlxalq mübadilə proqramlarında iştirak edir, respublika səviyyəli konfranslarda və yarışlarda uğurlu nəticələr əldə edir, mütəmadi olaraq tələbə konfransları və sosial fəaliyyətlər təşkil edirlər. Dövlət Gömrük Komitəsinin Akademiyasında 2022/2023-cü tədris ilindən etibarən bakalavriat səviyyəsində əlavə olaraq Beynəlxalq ticarət və logistika və İnformasiya texnologiyaları ixtisasları üzrə ingilis bölməsində də tədris həyata keçirilir. Bu səbəblə, Beynəlxalq ticarət və logistika ixtisasının əsas istiqamətləri (elektron ticarət, beynəlxalq marketinq, rəqəmsal iqtisadiyyat, sahibkarlıq və biznes, logistika, menecment, statistika və ekonometrika, beynəlxalq iqtisadiyyat və s. İnformasiya texnologiyaları ixtisasının əsas istiqamətləri (proqramlaşdırma dilləri, informasiya təhlükəsizliyi, verilənlərin strukturu və alqoritmlər, veb sistemləri və texnologiyaları, kompüter qrafikası, kompüter arxitekturası, əməliyyat sistemləri, multimedia texnologiyaları, alqoritmlərin analizi və layihələndirilməsi və s.) üzrə müəllimləri əməkdaşlığa dəvət edirik. ​Xaricdə təhsil və iş təcrübəsinə, xarici dil (akademik səviyyədə) və e-təhsil bacarıqlarına sahib olan mütəxəssislərə üstünlük veriləcəkdir. Əməkdaşlıq etmək istəyənlərin akademik CV məlumatlarını 24 iyul 2023-cü il tarixinə qədər  info@ascca.edu.az e-poçt ünvanına göndərmələri xahiş olunur.

Dövlət Gömrük Komitəsinin Akademiyasına 2022/2023-ci tədris ili üçün magistratura səviyyəsi üzrə qəbul aparılacaq ixtisaslar

Dövlət Gömrük Komitəsinin Akademiyasına 2023/2024-cü tədris ili üçün magistratura səviyyəsinə 2 ixtisaslaşma - "Gömrük işi" və "Beynəlxalq iqtisadiyyat" ixtisaslaşmaları üzrə qəbul aparılacaq   Bu gündən magistraturaya ixtisaslaşma seçimi başlayıbdır. 2023/2024-cü tədris ili üzrə ali təhsil müəssisələrinin magistraturalarına qəbul olmaq üçün ixtisaslaşma seçimi 2023-cü il iyulun 13-dək davam edəcək. İxtisaslaşma seçimində iştirak edən bütün bakalavrlara uğurlar arzulayırıq!

Dövlət Gömrük Komitəsinin Akademiyası təkrar ali təhsil almaq istəyən şəxslər üçün bakalavriat səviyyəsi üzrə sənəd qəbulu elan edir.

Dövlət Gömrük Komitəsinin Akademiyası 2023/2024-cü tədris ilində təkrar ali təhsil almaq istəyən şəxslər üçün aşağıdakı ixtisaslar (bakalavriat səviyyəsi) üzrə sənəd qəbulu elan edir: Sıra №-si İxtisasın (proqramın) şifri İxtisasın (proqramın) adı 1. 050206 Hüquqşünaslıq (yalnız gömrük əməkdaşları üçün) 2. 050401 Beynəlxalq ticarət və logistika Akademiyada təkrar ali təhsil yalnız ödənişli əsaslarla qiyabi formada həyata keçirilir; Təkrar ali təhsil üçün müraciət etmiş şəxslərin müvafiq ixtisaslara qəbulu Akademiya tərəfindən müəyyən edilmiş qaydada müsabiqə yolu ilə aparılır;  Müsabiqədən uğurla keçənlər müqavilə yolu ilə müvafiq təkrar ali təhsil ixtisası üzrə tələbələr sırasına qəbul edilirlər; Hər bir ixtisas üzrə təhsil haqqı Akademiya tərəfindən müəyyən edilir və müqavilədə nəzərdə tutulan qaydada ödənilir. Sənəd qəbulu 2023-cü il iyun ayının 25-dən avqust ayının 31-dək aparılacaqdır. Sənədlərin qəbulu https://portal.edu.az/ portalı vasitəsilə həyata keçirilir. Təkrar ali təhsil almaq üçün müraciət edəcək şəxslər öncə portal.edu.az səhifəsində qeydiyyatdan keçməlidirlər. Qeydiyyatla bağlı əlavə məlumatı buradan ala bilərsiniz.  İlkin mərhələdə portala aşağıdakı sənədlər yüklənilməlidir: ·         Ali təhsil haqqında sənədin (diplomun) notarial qaydada təsdiqlənmiş surəti (diploma əlavə ilə birlikdə); ·         3×4 sm ölçüdə fotoşəkil; ·         Şəxsiyyət vəsiqəsinin surəti; ·         İş vəsiqəsinin surəti (gömrük əməkdaşları üçün). Qeyd: Xarici ali təhsil müəssisələrinin məzunları aldıqları ixtisasların Azərbaycan Respublikası ərazisində tanınması və ekvivalentliyi barədə Təhsil Nazirliyi tərəfindən verilmiş Şəhadətnamə təqdim etməlidirlər.   Əlaqə məlumatları: Telefon: (994 12) 404 12 00 (daxili nömrə: 3306; 3338)   E-poçt: elave.tehsil@ascca.edu.az

“Ümummilli lider Heydər Əliyev və hüquq mühafizə orqanları” mövzusunda elmi-praktik konfransı

Gömrük Akademiyasında 25 may 2023-cü il tarixində xüsusi təyinatlı ali təhsil müəssisələri ilə birgə “Ümummilli lider Heydər Əliyev və hüquq mühafizə orqanları” mövzusunda elmi-praktik konfrans keçiriləcəkdir.

Gömrük Akademiyası Ege Universiteti ilə birlikdə beynəlxalq simpozium təşkil edir

Dövlət Gömrük Komitəsinin Akademiyasının və Türkiyənin Ege Universitetinin Türk Dünyası Araşdırmaları İnstitutunun birgə təşkilatçılığı ilə 25-26 may 2023-cü il tarixlərində “Türkiyə-Rusiya əlaqələri” mövzusunda III Beynəlxalq Simpozium keçiriləcək. Simpoziumun məqsədi SSRİ-nin dağılmasından sonra Türkiyə Cümhuriyyəti və Rusiya Federasiyası arasında yaranmış sosial, iqtisadi və siyasi münasibətləri müzakirə etmək və gələcək fəaliyyət istiqamətlərinin müəyyənləşdirilməsinə töhfə verməkdir. Onlayn formatda 2 gün ərzində davam edəcək simpoziuma hər iki ali təhsil müəssisəsinin nümayəndələri ilə yanaşı, Rusiya, Qazaxıstan, Gürcüstan, Qırğızıstan, Hollandiya və Ukraynadan da alim-tədqiqatçılar qatılacaqlar. Simpoziumda iki ölkə münasibətlərinə konseptual yanaşmalar (güc, şəxsiyyət və s.), regional münaqişələr və beynəlxalq müdaxilə, Avrasiyanın və Avropanın gələcəyində risklər və imkanlar, Türkiyə-Rusiya münasibətlərinin sosial-mədəni ölçüsü, Türkiyə-Rusiya münasibətlərinin türk dünyasına təsiri, Türkiyə-Rusiya Münasibətlərinin siyasi iqtisadiyyatı, teo-strateji yanaşmalar və digər mövzular ətrafında müzakirələr aparılacaq. Qeyd edək ki, ötən il də Akademiya ilə Türk Dünyası Araşdırmaları İnstitutunun birgə təşkilatçılığı ilə “Soyuq müharibədən sonrakı dövrdə sosial, iqtisadi və siyasi inkişaf kontekstində Cənubi Qafqaz" mövzusunda II beynəlxalq simpozium keçirilmişdir. “Türkiyə-Rusiya əlaqələri” mövzusunda III Beynəlxalq Simpoziuma onlayn müraciət üçün keçid linki: bit.ly/turrusil

Ulu öndər Heydər Əliyevin anadan olmasının 100-cü ildönümünə həsr edilmiş elmi konfrans keçiriləcək

Dövlət Gömrük Komitəsinin Akademiyasının və Bakı Mühəndislik Universitetinin birgə təşkilatçılığı ilə 28-29 aprel 2023-cü il tarixlərində Ümummilli lider Heydər Əliyevin anadan olmasının 100-cü ildönümünə həsr olunmuş “Gənc tədqiqatçıların VII beynəlxalq elmi konfransı” keçiriləcəkdir. Konfransın əsas istiqamətləri mühəndislik, xarici ticarət və gömrük xidməti, memarlıq və inşaat, təbiət, iqtisadiyyat, filologiya, pedaqogika, hüquq, tarix və sosiologiya elmləridir. Gənclərin elmə olan marağını daha da artırmağı hədəfləyən konfransın əsas məqsədi isə dünyanın müxtəlif universitet, akademiya və elmi-tədqiqat institutlarında fəaliyyət göstərən gənc tədqiqatçıları bir araya gətirmək, bu sahədə əldə olunan elmi nailiyyətləri, təcrübələri digərləri ilə paylaşmaq və təhlil etməkdir. Qeyd edək ki, ötən il də Gömrük Akademiyası və Bakı Mühəndislik Universitetinin birgə təşkilatçılığı ilə Ümummilli lider Heydər Əliyevin anadan olmasının 99-cu ildönümünə həsr olunmuş “Gənc tədqiqatçıların VI beynəlxalq elmi konfransı” keçirilmişdir. Elmi konfransın proqramı ilə aşağıdakı link vasitəsilə tanış olmaq mümkündür: http://yric.az/

Dövlət Gömrük Komitəsinin Akademiyası və APFM arasında əməkdaşlıq görüşü

BDU-nun Elmi Kitabxanasının təşkilatçılığı ilə Azərbaycan Kitabxana İnformasiya Konsorsiumu (Az KİK) çərçivəsində Dövlət Gömrük Komitəsinin Akademiyasında tədbir keçiriləcəkdir.

26 dekabr 2022-ci il saat 14:00   Təlimin mövzusu: "Akademik bazalardan istifadə və nəşr imkanları"    Məruzələr:    Nigar Ismayılova (BDU-nun Elmi Kitabxanasının direktoru) - “Az.KİK-in akademik kitabxanalarla əməkdaşlığı”   Cəmilə Yusifova (Az.KİK-in rəhbəri, EİFL.net və EBSCO-nun Azərbaycan üzrə təmsilçisi) - “EBSCOhost platformasında interaktiv axtarış”   İltifat İbrahimov (ADA Universitetinin Əsas sistemlər və inteqrasiya şöbəsinin aparıcı mütəxəssisi, EİFL.net-in “Open Access” üzrə koordinatoru) - “EİFL-net-in xidmətləri və akademik bazalarda nəşr imkanları”

Dövlət Gömrük Komitəsinin Akademiyası 2022/2023-cü tədris ili üzrə akademik əməkdaşlığa dəvət edir

Dövlət Gömrük Komitəsinin Akademiyası bakalavriat səviyyəsində İqtisadiyyat, Beynəlxalq ticarət və logistika, Hüquqşünaslıq, İnformasiya təhlükəsizliyi, İnformasiya texnologiyaları ixtisasları üzrə beynəlxalq standartlar əsasında müasir tələblərə cavab verən peşəkar mütəxəssislər hazırlayır. Cari tədris ili üçün keçirilən qəbul imtahanlarının nəticələrinə görə, Akademiyada bakalavriat və magistratura səviyyələrində mütəxəssis hazırlığı aparılan 7 ixtisasdan 5-də ölkə üzrə ən yüksək keçid balları Akademiyaya məxsusdur. Akademiyanın tələbələri beynəlxalq mübadilə proqramlarında iştirak edir, respublika səviyyəli konfranslarda və yarışlarda uğurlu nəticələr əldə edir, mütəmadi olaraq tələbə konfransları və sosial fəaliyyətlər təşkil edirlər.   Dövlət Gömrük Komitəsinin Akademiyasında 2022/2023-cü tədris ilindən etibarən bakalavriat səviyyəsində əlavə olaraq Beynəlxalq ticarət və logistika və İnformasiya texnologiyaları ixtisasları üzrə ingilis bölməsində də tədris həyata keçiriləcəkdir. Bu səbəblə,   ØBeynəlxalq ticarət və logistika ixtisasının əsas istiqamətləri (ümumi iqtisadiyyat, sahibkarlıq və biznes, logistika, menecment, statistika və ekonometrika, beynəlxalq iqtisadiyyat, ticarət və biznes)   Øİnformasiya texnologiyaları ixtisasının əsas istiqamətləri (proqramlaşdırma dilləri, informasiya təhlükəsizliyi, verilənlərin strukturu və alqoritmlər, veb sistemləri və texnologiyaları, kompüter qrafikası, kompüter arxitekturası, əməliyyat sistemləri, multimedia texnologiyaları, alqoritmlərin analizi və layihələndirilməsi)   və   Øümumi fənlər (ali riyaziyyat, sosiologiya, politologiya və s.)   üzrə müəllimləri əməkdaşlığa dəvət edirik.   ​Beynəlxalq təcrübə, xarici dil (akademik səviyyədə) və e-təhsil bacarıqlarına sahib olan mütəxəssislərə üstünlük veriləcəkdir.   Əməkdaşlıq etmək istəyənlərin akademik CV məlumatlarını 31 iyul 2022-ci il tarixinə qədər  info@ascca.edu.az e-poçt ünvanına göndərmələri xahiş olunur.