Aslanlı Araz Azad oğlu

Araz Aslanlı bakalavriatura pilləsi üzrə təhsilini Türkiyənin Hacettepe Universitetində (Dövlət idarəçiliyi), magistratura pilləsi üzrə təhsilini Ankara Universitetində (İdarəetmə və politologiya), doktorantura pilləsi üzrə təhsilini Gazi Universitetində (Beynəlxalq münasibətlər) alıb.

Türkiyənin və Avrasiya regionunun nüfuzlu strateji araşdırmalar mərkəzlərində (əvvəlcə ASAM-da, daha sonra isə TUSAM-da) Azərbaycan şöbəsinin sədri, Ümumqafqaz Şöbəsinin sədri, mərkəzin sədr müavini kimi vəzifələrdə işləyib. Bu mərkəzlərdə gənc tədqiqatçılar üçün təşkil edilən müxtəlif araşdırma proqramlarının təlimçisi olub.

2000-ci ildən eyni zamanda tədqiqatçı jurnalistika fəaliyyəti ilə məşğuldur. Qarabağ problemi, enerji strategiyası, Azərbaycan xarici siyasətinin müxtəlif istiqamətləri, Türkiyənin xarici siyasəti, etnik münaqişələr və s. mövzularda 100-dən çox məqalənin müəllifidir. Məqalələri Azərbaycan, ingilis, rus, alman, fransız, türk, ərəb və digər dillərdə dünyanın müxtəlif ölkələrinin (Azərbaycan, Türkiyə, Rusiya, ABŞ, Fransa, İngiltərə, Qətər və s.) elmi nəşrlərdə, qəzetlərdə və internet saytlarında dərc olunub.

Müxtəlif ölkələrin nüfuzlu televiziya və radio kanallarında (AzTv, İTV, ARB24, TRT, NTV, CNN-Türk, ART, Al-Jazeera, El-Alem, BBC, RFE/RL, VOA və s.) 200-dən çox çıxışı olub.

Azərbaycan, ingilis və türk dillərində nəşr edilmiş 5 kitabın müəllifi, 12 kitabın həmmüəllifidir.

2007-ci ildən Xəzər Universiteti, Azərbaycan Dövlət İqtisad Universiteti və Dövlət Gömrük Komitəsinin Akademiyasında “Diplomatiya tarixi”, “Azərbaycanın xarici siyasəti”, “Avropa ölkələrinin müasir daxili və xarici siyasətləri” və digər fənləri tədris edir.

2018-ci ilin sentyabr ayından Dövlət Gömrük Komitəsinin Akademiyasında Monitorinq və qiymətləndirmə şöbəsinin rəisi işləyib.

2021-ci ilin sentyabr ayından Akademiyanın Tədris və innovasiyalar üzrə rəis müavinidir.

https://scholar.google.com/citations?user=h1Q6IVgAAAAJ&hl=en&oi=ao