Baş səhifə
Elanlar
08.05.2021 15:15 983
Dövlət Gömrük Komitəsinin Akademiyasının professor-müəllim heyəti və təhsilalanlarının nəzərinə!

2007-ci ildən fəaliyyət göstərən ReportLinker peşəkar texnologiya şirkəti nüfuzlu marketinq tədqiqatları nəşriyyatlarından və etibarlı ictimai mənbələrdən biryerə toplanmış 3 milyondan çox tədqiqat sənədinə və 150 milyon statistik göstəricilərə anında çıxış imkanı verir. ReportLinker peşəkar axtarış sisteminə giriş ASCCA@ascca.edu.az domeni vasitəsi ilə həyata keçirilir. Bu o deməkdir ki, ReportLinker hesabında öz ASCCA e-poçt ünvanları  vasitəsilə qeydiyyatdan keçən hər bir istifadəçi üçün giriş mümkün olacaq. Hesab aktivləşdirmə linki elektron poçtunuza göndəriləcək. Giriş etməzdən əvvəl hesabınızı aktivləşdirməyiniz xahiş olunur.  Qeyd: ReportLinker 08.07.2021-ci il tarixinə qədər Akademiya heyətinin istifadəsi üçün açıqdır.  www.reportlinker.com Student Login Off Campus (via domain name)  

02.11.2020 13:16 2389
Tələbələrin nəzərinə!

Noyabrın 11-dən Təhsil Nazirliyi tərəfindən https://e-telebe.edu.az elektron portalı vasitəsilə müraciətlərin qəbulu prosesi dayandırılacaq. Nazirlikdən bildirilib ki, müraciətlər üçün son tarix 10 noyabr 2020-ci il nəzərdə tutulur. Tələbələrin qeyd edilən tarixədək https://e-telebe.edu.az elektron portalına müraciətlərini yekunlaşdırması, natamam müraciətləri tamamlayaraq təsdiq etməsi xahiş olunur. Qeyd edək ki, Təhsil Nazirliyi 30 sentyabr 2020-ci il tarixindən https://e-telebe.edu.az elektron portalı vasitəsilə cari tədris ilində ali və orta ixtisas təhsili müəssisələrinə qəbul olunmuş tələbələrin təhsil müəssisələrində elektron qeydiyyatına və sosial baxımdan həssas əhali qrupuna aid edilən ailələrin üzvü olan tələbələrin təhsil haqqı xərclərinin dövlət tərəfindən ödənilməsinə dair müraciətlərin qəbulunu aktivləşdirib.  Hazırda müraciətlərin qəbulu və  emalı prosesi davam edir.
15.10.2020 15:48 1948
Akademiyanın sosial baxımdan həssas əhali qrupuna aid edilən ailələrin üzvü olan tələbələrinin nəzərinə!

Bildiyiniz kimi, Azərbaycan Respublikasının Nazirlər Kabinetinin “Sosial baxımdan həssas əhali qrupuna aid edilən ailələrin üzvü olan tələbələrin təhsil haqqı xərclərinin ödənilməsi barədə” 2020-ci il 13 aprel tarixli 138 nömrəli Qərarına əsasən, Azərbaycan Respublikasının Təhsil Nazirliyi  təqdim edilən məlumatlar əsasında normativ təhsil müddətində ödənişli əsaslarla əyani təhsil alan və sosial baxımdan həssas əhali qrupuna aid edilən ailələrin üzvü olan tələbələri “Təhsil Mərkəzləşdirilmiş İnformasiya Sistemi”nin https://e-telebe.edu.az elektron portalı vasitəsi müəyyən edilərək təhsil xərclərinin dövlət büdcəsinin vəsaiti hesabına ödənilməsini həyata keçirir.   Azərbaycan Respublikasının Təhsil Nazirliyi 2020/2021-ci tədris ilinin birinci (payız) semestri üçün sosial baxımdan həssas əhali qrupuna aid edilən ailələrin üzvü olan tələbələrin təhsil haqqı xərclərinin ödənilməsi məqsədi ilə  15 oktyabr 2020-ci il tarixindən https://e-telebe.edu.az elektron portalı vasitəsi ilə müraciətlərin qəbulunu aktivləşdirəcəkdir.   Aşağıdakıların nəzərə alınmasını xahiş edirik:   - Bakalavriat səviyyəsinə cari tədris (2020/2021-ci) ilində qəbul olmuş tələbələr Təhsil Nazirliyinin https://e-telebe.edu.az elektron portalı vasitəsi qeydiyyatdan keçməlidirlər. Bu zaman https://e-telebe.edu.az elektron portalı vasitəli ilə təhsil müəssisələrində birinci kurs tələbələrinin qeydiyyatı prosesində onların sosial baxımdan həssas əhali qrupuna aid edilən ailələrin üzvü olub-olmaması avtomatik qaydada müəyyən edilir.    - 2019/2020-ci tədris ilinin yaz semestri üçün təhsil haqqı xərcləri dövlət tərəfindən ödənilməsi həyata keçirilən yuxarı kurs tələbələrinin 2020/2021-ci tədris ilinin payız semestri (yarımili) üçün  təhsil haqqı xərclərinin dövlət tərəfindən ödənilməsi ilə bağlı  https://e-telebe.edu.az elektron portalına müraciət etmələri tələb olunmur. Belə ki, həmin tələbələrin (məzunlar istisna olmaqla) 2019/2020-ci tədris ilinin yaz semestri üçün sistemdəki müraciətləri 2020/2021-ci tədris ilinin payız semestri (yarımili) üçün əsas götürülərək onların sosial baxımdan həssas əhali qrupuna aid edilən ailələrin üzvü olması statusu informasiya sistemi tərəfindən avtomatik rejimdə müəyyən ediləcəkdir.     - Sosial baxımdan həssas əhali qrupuna aid edilən ailələrin üzvü olmasına baxmayaraq ilin birinci yarısında sistemə müraciət etməyən və ya bu statusu yeni əldə edən tələbələr 2020/2021-ci tədris ilinin payız semestri (yarımili) üçün təhsil haqqı xərclərinin dövlət tərəfindən ödənilməsi ilə bağlı  https://e-telebe.edu.az elektron portalına müraciət edə bilərlər.  
25.09.2020 12:11 2724
Dövlət Gömrük Komitəsinin Akademiyasına qəbul olunmuş abituriyentlərin nəzərinə!

Azərbaycan Respublikası Dövlət Gömrük Komitəsinin Akademiyasına qəbul olunmuş abituriyentlərin qeydiyyatı və sənədlərinin qəbulu 2020-ci il sentyabrın 25-dən oktyabrın 7-dək (şənbə və bazar günləri istisna olmaqla) saat 09:30-dan 17:00-a kimi aparılacaq.  Qeydiyyat tələbələrin xüsusi geyim forması ilə təmin olunması nəzərə alınaraq, karantin rejimi dövrünün tələblərinə riayət etməklə Akademiyada aparılacaqdır. Abituriyentlərin və onları müşayiət edən şəxslərin qeydiyyata tibbi maskada gəlmələri xahiş olunur. Qeydiyyat üçün aşağıdakı sənədlər tələb olunur: -    Şəxsiyyət vəsiqəsinin əsli və surəti (2 ədəd) -    Tam orta təhsil haqqında sənəd (attestat); -    3×4 ölçüdə 4 ədəd fotoşəkil (ağ fonda, rəngli) -    Ödənişli əsaslarla qəbul olanlar üçün təhsil haqqının ödənilməsinə dair qəbz -    Oğlanlar üçün “İlkin hərbi qeydiyyata alınma haqqında vəsiqə” və ya hərbi bilet- (əsli və 1 nüsxə surəti) -    Sağlamlıq haqqında arayış (forma 86) -    Tərcümeyi-hal (Akademiyada təqdim olunan blankda doldurulacaq) -    İş nömrəsi və şifri Qeyd: Təhsil haqqı ödənişindən azad olunan xüsusi statuslu (məcburi köçkün, şəhid ailəsinin üzvü və s.) abituriyentlər göstərilən sənədlərdən başqa, statusu ilə bağlı əlavə sənədlərin notarial qaydada təsdiq olunmuş surətlərini  də təqdim etməlidirlər.
18.08.2020 22:45 1531
Dövlət Gömrük Komitəsinin Akademiyası 2020/2021-ci tədris ili üçün müəllimləri əməkdaşlığa dəvət edir

Dövlət Gömrük Komitəsinin Akademiyası 2020/2021-ci tədris ili üçün bakalavr üzrə iqtisadiyyat, beynəlxalq ticarət və logistika, hüquqşünaslıq, informasiya təhlükəsizliyi, magistr üzrə gömrük işi, cinayət hüququ, cinayət prosesi, kriminalistika və məhkəmə ekspertizası sahələrinin əsas ixtisas fənləri üzrə müəllimləri (saat hesabı qaydada) əməkdaşlığa dəvət edir. Ümumi iqtisadiyyat, menecment, vergi, iqtisadi siyasət, statistika, ekonometrika və gömrük işinin təşkili istiqamətlərində  Mülki hüquq, beynəlxalq hüquq, cinayət hüququ, cinayət prosesi, kriminalistika, ekspertiza istiqamətlərində  İKT-informatika, informasiya texnologiyaları, proqramlaşdırma istiqamətlərində  Ümumi fənlər bloku üzrə (ingilis dili, tarix, ali riyaziyyat, sosiologiya, politologiya və s.)  ​Beynəlxalq təcrübəyə, xarici dil və e-təhsil bacarıqlarına sahib mütəxəssislərə əlavə üstünlük veriləcək.  Əməkdaşlıq etmək istəyənlərin CV məlumatlarını 21 avqust 2020-ci il saat 18.00-a qədər  elvin.alirzayev@ascca.edu.az e-poçt adresinə göndərmələri xahiş olunur.
09.07.2020 05:43 1561
Rusiya Federal Gömrük Xidməti Rusiya Gömrük Akademiyasında və onun Sankt-Peterburq və Rostov şəhərlərindəki filiallarında “Gömrük işi” ixtisası üzrə tələbə qəbulu elan edilir

2020/2021-ci tədris ili üçün Rusiya Federal Gömrük Xidməti Rusiya Gömrük Akademiyasında və onun Sankt-Peterburq və Rostov şəhərlərindəki filiallarında “Gömrük işi” ixtisası üzrə tələbə qəbulu elan edilir   Müsabiqədə iştirak etmək istəyən abituriyentlər 9-15 iyul 2020-ci il tarixlərində tələb olunan sənədləri info@dim.gov.az elektron poçt ünvanına göndərməklə qeydiyyatdan keçməlidirlər      Azərbaycan Respublikası Dövlət Gömrük Komitəsi ilə Rusiya Federal Gömrük Xidməti Rusiya Gömrük Akademiyası arasında əməkdaşlıq haqqında sazişə uyğun olaraq Moskva vilayəti Lüberts şəhərində yerləşən Rusiya Gömrük Akademiyası və onun Rostov filialının hər birində 1 nəfər, Sankt-Peterburq filialında isə 2 nəfər olmaqla, “Gömrük işi” ixtisası üzrə əyani təhsil alması üçün ümumilikdə 4 nəfər Azərbaycan Respublikası vətəndaşı üçün yer ayrılıb. Müsabiqədə iştirak etmək istəyən abituriyentlər 9-15 iyul 2020-ci il tarixlərində tələb olunan sənədləri info@dim.gov.az elektron poçt ünvanına göndərməklə qeydiyyatdan keçməlidirlər. Müsabiqədə iştirak etmək istəyən abituriyentlər qeyd olunan elektron poçt ünvanına aşağıdakı sənədlərin fotosurətlərini göndərməlidirlər: 1.    Şəxsiyyət vəsiqəsi; 2.    Cari ildə orta məktəbi bitirən məzunlar 2020/2021-ci tədris ili üçün təsdiq olunmuş “Abituriyentin elektron ərizəsi” forması (varsa), əks təqdirdə bitirdiyi məktəbdən illik qiymətləri göstərilən arayış; 3.    Əvvəlki illərin məzunları orta təhsil haqqında sənədi; 4.    Hərbi bilet və ya çаğırışçı şəhadətnaməsi (oğlanlar); 5.    Əlaqə məlumatları. Müsabiqədə iştirak etmək hüququna 2020-ci ildə orta məktəbin rus bölməsini bitirən, 2020-ci il iyulun 10-dək 19 yaşı tamam olmayan, attestatında riyaziyyat, ümumi tarix, rus dili və xarici dil fənləri üzrə yekun illik qiyməti 5 olan Azərbaycan Respublikasının vətəndaşları malikdirlər. Müsabiqədə iştirak etmək istəyənlər üçün Dövlət İmtahan Mərkəzi tərəfindən 16 iyul 2020-ci il tarixində onlayn müsahibə keçiriləcək. Ali təhsil müəssisəsinin tələbəsi və ya məzunu olan şəxslər bu müsabiqədə iştirak etmək hüququna malik deyillər. Ərizə qəbulunda iştirak edən və onlayn müsahibədən uğurla keçən 4 nəfərin namizədliyi ödənişsiz təhsil forması üzrə oxumaq üçün qeyd olunan Akademiyaya təqdim olunacaqdır. Rusiya Gömrük Akademiyası tərəfindən abituriyentlər üçün ictimai fənlər, həmçinin rus dili və xarici dil fənləri üzrə distant formada imtahan keçiriləcək. Abituriyentlər onları maraqlandıran əlavə məlumatları (+994 12) 404 22 00 (daxili 3302) telefonu və ya +994 50 216 17 99 mobil telefonu vasitəsilə, eləcə də müvafiq keçidlərdən əldə edə bilərlər. Azərbaycan Gömrük Komitəsinin məlumatı Rusiya Gömrük Akademiyası Rusiya Gömrük Akademiyası Sankt-Peterburq filialı Rusiya Gömrük Akademiyası Rostov filialı

10.06.2020 23:25 1509
Dövlət Gömrük Komitəsinin Akademiyası magistratura səviyyəsinə yeni ixtisaslaşma üzrə qəbul elan edir

Dövlət Gömrük Komitəsinin Akademiyası 2020/2021-ci tədris ilindən magistratura səviyyəsinə yeni ixtisaslaşma - “Cinayət hüququ, cinayət prosesi, kriminalistika və məhkəmə ekspertizası” ixtisaslaşması üzrə qəbul elan edir. Bununla da, 2020/2021-ci tədris ilində Akademiyada magistratura səviyyəsinə Dünya iqtisadiyyatı istiqaməti üzrə “Gömrük işi” ixtisaslaşmasına, Hüquqşünaslıq istiqaməti üzrə “Cinayət hüququ, cinayət prosesi, kriminalistika və məhkəmə ekspertizası” ixtisaslaşmasına qəbul aparılır. Xatırladaq ki, 2019/2020-ci tədris ilində Akademiyada ilk dəfə magistraturaya qəbul aparılıb. Həmin tədris ilində magistratura səviyyəsinə qəbul Dünya iqtisadiyyatı istiqaməti üzrə “Gömrük işi” və Hüquqşünaslıq istiqaməti üzrə “Beynəlxalq hüquq” ixtisaslaşmaları üzrə həyata keçirilib. İctimaiyyətlə əlaqələr şöbəsi
11.04.2020 09:31 1110
Gömrük rəsmiləşdirilməsi üzrə mütəxəssis kimi fəaliyyət göstərən, eləcə də birbaşa təmsilçilik fəaliyyətini yerinə yetirən şəxslərin nəzərinə

Dövlət Gömrük Komitəsinin Akademiyası tərəfindən gömrük rəsmiləşdirilməsi üzrə mütəxəssis kimi fəaliyyət göstərən, eləcə də birbaşa təmsilçilik fəaliyyətini yerinə yetirən şəxslər üçün “Gömrük bəyannamələrinin doldurulması qaydalarının Metodologiyaları” (son əlavə və dəyişikliklər nəzərə alınmaqla) üzrə peşəkar təlimçilər tərəfindən təcrübi məşğələlər, izahlar və həllər göstərilməklə  təlimlər təşkil olunur. Təlimlərdə iştirak etmək üçün müraciət forması doldurulmalı və aşağıda qeyd olunan sənədlərin surətləri training@ascca.edu.az elektron poçt ünvanına göndərilməlidir: 1. Müəssisənin məktubu;2. Əmək müqaviləsi bildirişi;3. Şəxsiyyət vəsiqəsi. Qeyd:  müraciətlərə əsasən təlimlər axşam saatlarında da təşkil oluna bilər. Əlaqə üçün -  tel: (012) 404 12 00 (dax: 3306); email: training@ascca.edu.az
24.03.2020 21:00 1292
"Könüllü gömrükçü" dəstəsinə üzv olmaq istəyən gənclərin DİQQƏTİNƏ!

   Azərbaycan Respublikasının "Könüllü fəaliyyət haqqında" Qanununa və Dövlət Gömrük Komitəsi sədrinin "Dövlət Gömrük Komitəsinin sistemində könüllülük hərəkatının inkişafı ilə bağlı tədbirlər haqqında" sərəncamına əsasən Dövlət Gömrük Komitəsində "Könüllü gömrükçü" dəstəsi fəaliyyət göstərməkdədir.    Bildiririk ki, Dövlət Gömrük Komitəsi nəzdində yaradılmış "Könüllü gömrükçü" dəstəsinin üzvləri Komitənin müxtəlif struktur bölmələrində fəaliyyətlərini uğurla davam etdirməkdədir. "Könüllü gömrükçü" dəstəsinə üzvlər "Ehtiyyat üzvlər bazası"ndan müsahibə yolu ilə seçilir. "Könüllü gömrükçü" dəstəsi üzrə yaranmış vakant yerlərə görə növbəti müsahibənin cari ilin May ayında keçirilməsi planlaşdırılır.    Eyni zamanda qeyd etmək istərdik ki, Dövlət Gömrük Komitəsi respublikamızın regionlarında yaşayan gənclərin həyatın bütün sahələrində iştirak imkanlarının artırılması, habelə gömrük sistemində gənclərin könüllülük hərəkatının stimullaşdırılması və yerlərdə intensivləşdirilməsi məqsədilə Komitənin Ərazi Baş Gömrük İdarələrinə və həmçinin İdarələrin strukturuna daxil olan bir sıra gömrük postlarına gəncləri könüllülük fəaliyyətinə cəlb etmək niyyətindədir.     Bununla əlaqədar olaraq, regionlarımızda yaşayan gənclər Komitənin Şimal Ərazi Baş Gömrük İdarəsi və onun strukturuna daxil olan "Samur", "Yalama", "Xanoba", "Şirvanlı", "Zuxul" gömrük postlarında, Qərb Ərazi Baş Gömrük İdarəsi və onun strukturuna daxil olan "Tovuz", "Yevlax", "Balakən" gömrük postlarında, Cənub Ərazi Baş Gömrük İdarəsi və onun strukturuna daxil olan "Şirvan", "Biləsuvar" və "Astara" gömrük postlarında "Könüllü gömrükçü" kimi fəaliyyət göstərmək üçün müraciət edə bilər.     "Könüllü gömrükçü" dəstəsinin ehtiyyat üzvü olmaq istəyən gənclərdən aşağıdakı formanı dolduraraq Dövlət Gömrük Komitəsinə göndərmələri xahiş olunur. Müraciətin Dövlət Gömrük Komitəsinə daxil olması ilə bağlı Sizə məlumat veriləcəkdir. 

Növbəti tədbirlər

Bütün tədbirlər

Elanlar

Bütün elanlar

Avqust 28
Dövlət Gömrük Komitəsinin Akademiyasına qəbul olunmuş abituriyentlərin nəzərinə!
Avqust 23
DGKA-da təkrar ali təhsil almaq üçün sənəd qəbulunun vaxtı uzadıldı
Avqust 19
DGKA-nın məzunlarının xidmətə qəbulu ilə əlaqədar müsabiqə keçiriləcək

Qalereya

Bütün şəkillər

gallery1
gallery2
gallery3
gallery4
gallery5
gallery6
gallery7
gallery8

Faydalı keçidlər