Xəbər verdiyimiz kimi, Dövlət Gömrük Komitəsinin Akademiyasının tələbələri Ümummilli lider Heydər Əliyevin anadan olmasının 101-ci ildönümünə həsr olunmuş bədii yaradıcılıq müsabiqə-festivalında iştirak etmişdirlər.

Ali təhsil müəssisələrinin tələbələri arasında keçirilən müsabiqədə Dövlət Gömrük Komitəsinin Akademiyasının tələbələrindən ibarət rəqs kollektivi “Müasir rəqs” nominasiyası üzrə III yerə layiq görülərək Elm və Təhsil Nazirliyi və Azərbaycan Təhsil İşçiləri Azad Həmkarlar İttifaqı Respublika Komitəsi tərəfindən Fəxri Fərmanla təltif edilib.

Qeyd edək ki, tələbələrin milli vətənpərvərlik ruhunda yetişdirilməsi, onların bədii-estetik səviyyəsinin yüksəldilməsi məqsədilə keçirilən festivalda respublika üzrə ümumilikdə 26 ali təhsil müəssisəsindən 3000-dən çox tələbə iştirak etmişdir.