Dövlət Gömrük Komitəsinin Akademiyasının Tələbə Gənclər Təşkilatının sədri Osman Müşəyev və İqtisadiyyat ixtisasının tələbəsi Kamran Muradlı 7 fevral 2024-cü il tarixində ilk dəfə bütün ölkə üzrə keçirilən növbədənkənar Prezident seçkilərində iştirak ediblər.

Belə ki, seçkilərin qanunauyğunluğunu, şəffaflığını müşahidə etmək məqsədilə Osman Müşəyev ölkəmizin Füzuli-Cəbrayıl-Zəngilan kimi dilbər güşələrində müşahidəçi qismində seçkilərə nəzarət edib.

Kamran Muradlı isə ATƏT-in yüksək səlahiyyətli müşahidəçi heyətinə tərcüməçilik fəaliyyəti göstərib. O, seçki məntəqələrində olaraq beynəlxalq müşahidəçilərin suallarını cavablandırıb.

Tələbələrimiz öz vəzifə və öhdəliklərini tam şəkildə yerinə yetiriblər.