Təhsil Proqramının sonunda məzun aşağıdakı peşə kompetensiyalarına yiyələnməlidir:

 - müvafiq elmlər, dil bilikləri, informasiya texnologiyaları (İT) sahəsi üzrə biliklərdən yararlanaraq iKT-nin imkanlarını bütün sahələrdə tətbiq etmək bacarıqlarına;

- müasir cəmiyyətdə informasiyanın, informasiya texnologiyalarının və informasiya təhlükəsizliyinin rolunu, eləcə də bu sahədə şəxsiyyətin, cəmiyyətin və dövlətin obyektiv tələbatlarının təmin olunması üçün onların əhəmiyyətini təqdim etmək bacarığına;

- peşəkar məsələlərin həlli üçün sistem, tətbiqi və xüsusi təyinatlı proqram vasitələrini, informasiya-kommunikasiya texnologiyalarını hazırlamaq və tətbiq etmək bacarığına;

- peşəkar məsələlərin həlli üçün zəruri məlumatları, informasiya texnologiyalarını və hesablama resurslarını müəyyən etmək, seçmək və tətbiq edə bilmək qabiliyyətinə;

- İT sistemini dəstəkləmək məqsədi ilə problemləri təhlil etmək və zəruri proqram təminatına əsaslanan vasitələr tətbiq etmək bacarıqlarına;

-istifadəçilərin texniki tələblərini qarşılayan İKT əsaslı həllərin işlənib hazırlanması, sınaqdan keçirilməsi, quraşdırılması və saxlanması məqsədi ilə istifadəçilərin ehtiyaclarını başa düşmək qabiliyyətinə;

- peşəkar məsələlərin həlli üçün proqramlaşdırma dillərini və proqram vasitələrinin yaradılması sistemlərini tətbiq etmək bacarığına;

- kompüter qrafikası, multimediya və virtual reallıq texnologiyalarına əsaslanan vasitələr işləyib hazırlamaq və tətbiq etmək bacarığına;

- verilənlər bazası, istifadəçi interfeysi, informasiya sistemlərinin əsas modullarını işləyib hazırlamaq, sınaqdan keçirmək, inteqrasiya və idarə etmək bacarığına;

- müasir proqram, proqram-aparat və texniki vasitələrinin quraşdırılması, istifadəsi, köklənməsi, xidmət göstərilməsi işlərini yerinə yetirmək, onların iş qabiliyyətinin və effektivliyinin nəzarət yoxlamalarının təşkili və keçirilməsi bacarığına;

- peşəkar məqsədlər üçün müvafiq məlumatları təhlil etmək, ümumiləşdirmək və tətbiq etmək bacarığına;

- proqram-texniki sistemləri tətbiqi etməklə informasiya texnologiyalarının idarə edilməsi sahəsində effektiv qərarlar qəbul etmək bacarığına;

- peşəkar məsələləri həll etmək məqsədilə elmi-texniki ədəbiyyatı, normativ və metodik sənədləri seçmək, öyrənmək və ümumiləşdirmək bacarığına;

-təşkilatda (idarədə, müəssisədə) informasiya texnologiyalarının mövcud standartların tələblərinə uyğunluğunu müəyyən etmək, bu sahədə fəaliyyəti tənzimləyən normativ hüquqi aktları, normativ, metodik sənədləri tətbiq etmək və işçi texniki sənədləşmələri aparmaq bacarığına;

- informasiya sistemlərin layihələndirilməsi üçün ilkin verilənlərin hazırlanmasını, uyğun layihə həllərinin texniki-iqtisadi əsaslandırılmasını aparmaq bacarığına;

- peşəkar məsələlərin həlli üçün zəruri riyazi metodlardan istifadə etmək bacarığına;

- informasiya texnologiyalarının və sistemlərinin təhlilində və qiymətləndirilməsində modelləşdirmə aparmaq üçün müasir (o cümlədən riyazi) metodlar tətbiq etmək bacarıqlarına.