Dövlət Gömrük Komitəsinin Akademiyasının İnformasiya təhlükəsizliyi ixtisası üzrə təhsil alan tələbələri Banuçiçək Nuriyeva, Murad Şəfiyev və Məhərrəm Nəcəfov dünyanın aparıcı kibertəhlükəsizlik təşkilatı olan Beynəlxalq İnformasiya Sistemləri Təhlükəsizliyi Sertifikatlaşdırma Konsorsiumunun (ISC)² kibertəhlükəsizlik üzrə təlim kursunu müvəffəqiyyətlə tamamlayaraq müvafiq beynəlxalq sertifikata layiq görülüblər.

Qeyd edək ki, Beynəlxalq İnformasiya Sistemləri Təhlükəsizliyi Sertifikatlaşdırma Konsorsiumu (ISC)² aparıcı qeyri-kommersiya təşkilatıdır. Konsorsiumun məqsədi bütün dünya ölkələri mütəxəssislərinin informasiya təhlükəsizliyi üzrə sertifikatlaşdırılmasıdır. (ISC)² tərəfindən təklif olunan bu nüfuzlu informasiya təhlükəsizliyi sertifikatı kibertəhlükəsizlik proqramını tərtib etmək, həyata keçirmək və idarə etmək üçün müvafiq təcrübəni nümayiş etdirir.