Beynəlxalq Antalya Elmi Tədqiqatlar və İnnovativ Araşdırmalar konfransı keçirilib. Onlayn formatda təşkil olunan konfransda digər iştirakçılarla yanaşı Akademiyanın əməkdaşları Yavər Məmmədova və Leyla Nəcəfova da iştirak ediblər.

2 gün ərzində davam edən konfransda Yavər Məmmədova "Azərbaycan Respublikasında publik hüquqi şəxslərin hüquqi statusu", Leyla Nəcəfova isə "Zəngəzur dəhlizinin region üçün strateji əhəmiyyəti" mövzusunda məruzələr ilə çıxış ediblər.

Tədbirin davamında mövzu ətrafında geniş fikir mübadiləsi aparılıb. İnteraktiv müzakirələrin sonunda məruzəçilər tərəfindən konfrans iştirakçılarının sualları ətraflı cavablandırılıb.