DGKA “Yenilikçi və inkişaf mükafatı”na layiq görülüb
Dövlət Gömrük Komitəsinin Akademiyası (DGKA) Azərbaycan Tələbə Gənclər Təşkilatı İttifaqının (ATGTİ) “Yenilikçi və inkişaf mükafatı”na layiq görülüb. Bu münasibətlə DGKA və ATGTİ-nin rəhbərliyi arasında görüş keçirilib.
Akademiyanın rəisi, general-mayor Qulu Novruzov gənclərin peşəkar və sosial inkişafı üçün atılan addımların vacibliyini vurğulayaraq, ATGTİ-nin fəaliyyətini yüksək qiymətləndirdiyini bildirib.
Görüşdə dövlətimizin gənclərə göstərdiyi diqqət və qayğı, onların inkişafı üçün atılan addımlar müzakirə edilib.
Sonda ATGTİ-nin sədri Rəşad Zeynalov tərəfindən Akademiyanın rəisi Qulu Novruzova Tələbə Gənclər Təşkilatının davamlı və sistemli inkişafına verdiyi töhfəyə görə “Yenilikçi və inkişaf mükafatı” təqdim edilib.
