Bakı Konqres Mərkəzində Azərbaycan Tələbə Gənclər Təşkilatları İttifaqının VII hesabat seçki Konfransı keçirilib.

Tədbirdə ATGTİ-nin sədri Pərviz Mirələmli İttifaqın 2022-2024-cü illər üzrə fəaliyyətini özündə əks etdirən hesabatı iştirakçıların diqqətinə çatdırıb.

Konfransda digər dövlət rəsmiləri ilə yanaşı Dövlət Gömrük Komitəsinin Akademiyasının rəisi, gömrük xidməti general-mayoru Qulu Novruzov da çıxış edərək gənclərin cəmiyyətin inkişafındakı əhəmiyyətini vurğulayıb, onların peşəkar və şəxsi inkişafını dəstəkləyən təşəbbüslərin önəmini qeyd edib.

Daha sonra Azərbaycan Tələbə Gənclər Təşkilatları İttifaqının yeni sədri və idarə heyətinin üzvləri seçilib.

DGKA-nın TGT sədri Osman Müşəyev ən yüksək səs çoxluğu ilə - 82.53% Azərbaycan Tələbə Gənclər Təşkilatları İttifaqının idarə heyətinə üzv seçilib.