Azərbaycan Respublikası Elm və Təhsil Nazirliyi, Elm və Ali Təhsil üzrə Dövlət Agentliyi və Sumqayıt Dövlət Universitetinin təşkilatçılığı ilə Sumqayıt Dövlət Universitetində Yaşıl dünya naminə həmrəylik ilinə həsr edilmiş “Doktorantların və gənc tədqiqatçıların XXVII (NASCO XXVII) Respublika Elmi Konransı” keçirilib. Tədbirdə digər rəsmi şəxslərlə yanaşı Dövlət Gömrük Komitəsinin Akademiyasının rəis müavini Cəmilə Namazova da iştirak edib.

Konfransın keçirilməsində əsas məqsəd doktorantura səviyyəsində təhsilalanların və gənc tədqiqatçıların elmi-tədqiqat fəaliyyətlərinin nəticələrinin ölkədəki elm adamları ilə müzakirəsini təşkil etmək, elmi-tədqiqat yaradıcılıqlarında stimullaşdırıcı imkanları yaratmaqdır.

Tədbirdə giriş nitqi ilə çıxış edən SDU-nun rektoru, dosent Rüfət Əzizov qonaqları və iştirakçıları salamlayaraq XXVII Respublika elmi konfransının SDU-da keçirilməsindən məmnunluğunu bildirib, universitetdəki yeniliklər və layihələrdən bəhs edib.

Daha sonra çıxış edən Elm və təhsil naziri cənab Emin Əmrullayev konfransın gənc alimlər üçün böyük imkanlar yaratdığını qeyd edərək elm və təhsilin inkişafı istiqamətində atılan uğurlu addımlardan danışıb.

Plenar iclasdan sonra konfrans öz işini bölmələr üzrə davam etdirib.