Dekabrın 6-da 44 günlük Vətən müharibəsində şəhidlik zirvəsinə ucalan gömrük əməkdaşı Ülvi Hacıyevin xatirəsi anılıb. Anım günü münasibətilə Dövlət Gömrük Komitəsinin kollektivi ilə yanaşı, Dövlət Gömrük Komitəsinin Akademiyasının rəhbərliyi, əməkdaşları və tələbələri şəhidin məzarını ziyarət edərək önünə gül dəstələri düzüb, ruhuna dualar oxuyub, əziz xatirəsini dərin ehtiramla yad ediblər.

Akademiyanın rəisi, gömrük xidməti general-mayoru Qulu Novruzov şəhidin ailəsinə dərin hüznlə başsağlığı verib, səbir diləyərək dövlət müstəqilliyimiz, ərazi bütövlüyümüz uğrunda canını fəda edən, qorxmadan ölümə gedən cəsur vətən övladlarımızın xatirəsinin hər zaman əziz tutulacağını bildirib.

Allah rəhmət eləsin!

Şəhidlər ölməz, Vətən bölünməz!