Fövqəladə Hallar Nazirliyinin Akademiyasının təşkilatçılığı ilə respublikanın xüsusi təyinatlı ali təhsil müəssisələri arasında “Zəfər günü”nə həsr olunmuş şahmat yarışı keçirilib.

Yarışın məqsədi 44 günlük zəfər yolunda canlarından keçərək şəhidlik zirvəsinə ucalan qəhrəman döyüşçülərin xatirəsini uca tutmaq, həmçinin xüsusi təyinatlı ali təhsil müəssisələri arasında qarşılıqlı əlaqələrin genişləndirilməsi və şəxsi heyət arasında idmana olan həvəsin artırılmasıdır.

Ümumilikdə 5 xüsusi təyinatlı ali təhsil müəssisəsi arasında keçirilən yarışda Dövlət Gömrük Komitəsinin Akademiyasının komandası qalib gələrək III yerə sahib olub.

Tədbirin sonunda qalib komandalar diplom və medallarla təltif ediliblər.