Dövlət Gömrük Komitəsinin Akademiyasında TGT-nin təşkilatçılığı ilə tələbələr üçün “Gələcəyə fokuslan: LinkedIn strategiyaları, karyera planlaması və təhsil” mövzusunda təlim keçirilib. Təlim CIPS və CILT üzrə ekspert Sahilə Həmidova tərəfindən təqdim edilib.

Gənclərin karyera inkişafını gücləndirmək, müasir iş bazarında uğur qazanmaq üçün zəruri strategiyalar təqdim etmək məqsədilə keçirilən təlimdə Sahilə Həmidova LinkedIn profilinin optimallaşdırılması, şəbəkə genişləndirmə, karyera planlaması və müasir tədris proqramları barəsində ətraflı məlumat verib. O, qeyd edib ki, LinkedIn kimi platformalarda aktiv fəaliyyət göstərmək, müasir iş dünyasının tələbi kimi karyera quruculuğunda əsaslı irəliləyiş və sıçrayış üçün vacibdir.

Sonda təlimçi tərəfindən tələbələri maraqlandıran suallar ətraflı cavablandırılıb.