“Rəqəmsal iqtisadiyyat və süni intellekt:Yeni imkanlar, yeni çağırışlar” mövzusunda master-klas keçirilib
Dövlət Gömrük Komitəsinin Akademiyasında (DGKA) Gömrük işi və idarəetmə kafedrasının təşkilatçılığı ilə “Rəqəmsal iqtisadiyyat” fənni çərçivəsində “Rəqəmsal iqtisadiyyat və süni intellekt:Yeni imkanlar, yeni çağırışlar” mövzusunda master-klas keçirilib.
Tədbirdə giriş nitqi ilə çıxış edən Akademiyanın müəllimi Maqsud Qubadlı rəqəmsal transformasiyanın dövlət idarəçiliyinə, o cümlədən gömrük sisteminə təsirləri barədə danışaraq, müasir texnoloji trendlərin gələcək kadr hazırlığı üçün xüsusi əhəmiyyət daşıdığını vurğulayıb.
Tədbirdə məruzəçi kimi çıxış edən Baker Tilly Azərbaycan şirkətinin Maliyyə və Biznes Məsləhət xidmətləri üzrə meneceri Nurlan Cəbrayılov tələbələrə süni intellektin iqtisadi proseslərdə tətbiqi, biznes analitika, avtomatlaşdırma həlləri, rəqəmsal risklər və kibertəhlükəsizlik kimi mövzularda ətraflı məlumat verib. O, həmçinin real bazar təcrübəsindən nümunələr göstərərək rəqəmsal iqtisadiyyatın əmək bazarında yaratdığı yeni peşələr və bacarıqlar barədə geniş bəhs edib.
Sonda tələbələrin sualları ətraflı cavablandırılıb.
11.12.2025
